Vladimir Putin ka firmosur një ligj që do ti garantojë ish presidentëve të rusisë imunitet të përjetshëm pasi ata të lënë detyrën. Ligji, i jep ish presidentëve dhe familjeve të tyre mbrojtje nga përndjekja për krime të kryera gjatë jetës së tyre. Ata po ashtu do të përjashtohen nga marrja në pyetje nga policia apo hetuesit, si edhe nga kontrollet në shtëpi apo arrestimet. Ligji ishte pjesë e amendimeve kushtetuese të miratuara këtë verë në një referendum kombëtar që e lejon Putinin 68 vjecar, të mbetet president deri në 2036. Para se këtij ligji, ish presidentët kishin imunitet vetëm për krimet e kryera ndërsa ata ishin në detyrë. Deri më tani, një ish presidenti mund t’i hiqet imuniteti vetëm nëse ai akuzohet për tradhëti apo krime të tjera të rënda dhe akuzat konfirmohen nga gjykata supreme dhe kushtetuese. Por, ligji që putin firmosi të martën do ti garantojë një ish presidenti, një vend të përjetshëm në këshillin e federatës apo në senat, një pozicion që siguron imunitet nga përndjekja menjëherë pas largimit nga presidenca. Muajin e kaluar, pati zëra se lideri i hershëm rus po planifikonte të largohej, për shkak të shëndetit të keq, një pretendim ky që kremlini e mohoi.