Të paktën 150 persona u arrestuan gjatë një proteste kundër ndalimit nga qeveria të grupit të fushatës "Palestine Action". Qindra persona u mblodhën në Londrën qendrore, disa prej të cilëve valëvisnin flamuj palestinezë dhe brohorisnin "Palestina e lirë". Të tjerë mbanin pankarta ku shkruhej: "Unë kundërshtoj gjenocidin, unë mbështes Palestinën Action". Policia Metropolitane tha se arrestimet u kryen për një sërë veprash penale, duke përfshirë shprehjen e mbështetjes për një organizatë të ndaluar dhe për sulmin ndaj një oficeri policie. Qeveria e ndaloi "Palestine Action" sipas Aktit të Terrorizmit në korrik, duke e bërë anëtarësimin ose mbështetjen e grupit një vepër penale, të dënueshme deri në 14 vjet burg. Tensionet u ndezën midis demonstruesve dhe oficerëve. Organizatorët vlerësuan të shtunën pasdite se rreth 1,500 persona "po sfidonin aktualisht vendimin e qeverisw". Amnesty International, tha se ishte "vërtet tronditëse të shihje se si policia arrestonte njerwz vetwm se mbanin pankarta në mënyrë paqësore". Në Paris, protestuesit që mbanin flamuj palestinezë u mblodhën duke brohoritur slogane të tilla si "Gaza, Parisi është me ty" dhe "Rroftë rezistenca palestineze". Nw tubim ju bw thirrje qeverisë franceze të vendoste sanksione ndaj Tel Avivit dhe kërkoi bojkotimin e markave ndërkombëtare që ishin mbështetëse të Izraelit.