Vladimir Putin e bëri më në fund dhe ai vaksinën kundër koronavirusit. Shefi i kremlinit e mori privatisht dozën e vaksinës së prodhuar në Rusi, në përpjekje duket për të rritur besimin tek prodhimi rus, ndërkohë që e kishte zvarritur imunizimin e tij për muaj të tërë. Zëdhënësi i Kremlinit, Dimitry Peskov pohoi se presidenti 68 vjecar ishte vaksinuar, pa e sqaruar sakaq se cila prej tre vaksinave të prodhuara në vend i është administruar kreut të shtetit. Peskov tha vetëm se Putin e mori vaksinë, ndihet mirë dhe të mërkurën del në punë”. Kjo u përcoll edhe në profiling e Sputnik V në Tëitter. Peskov shpjegoi edhe arsyen përse Putin nuk pranon të vaksinohet përpara kamerave. “ Nuk është fans i kësaj, nuk i pëlqen” tha zëdhënësi, dicka që u komentua si paksa e cuditëshme duke apsur parasysh se presidenti rus vazhdimisht tregon trupin përpara kamerave sidomos gjatë pushimeve të verës në Siberi, e madje edhe gjatë check up-eve mjekësore në të shkuarën. Deri tani, sic thekson The Guardian, vetëm 4.3% e rusëve kanë marfë të paktën një dozë nga njëra prej vaksinave vendase, ndër të cilat mbizotëron Sputnik V, shpërndarja e të cilës nisi në muajin dhjetor.