Policia franceze është përplasur sërish me protestuesit ndërsa aktivistët në jugperëndim u përpoqën të shtunën të ndalonin ndërtimin e një rezervuari të madh uji, i cili është vendosur së fundmi në qendër të vëmendjes në një kohë kur tensionet sociale kanë mbërthyer të gjithë vendin. Skenat e dhunshme në Sainte-Soline erdhën pas ditësh zemërimi në lidhje me reformën e pensioneve të presidentit Emmanuel Macron, që coi edhe në anulimin e një vizite të mbretit Charles III në paris. Lëvizja e protestave kundër reformës së pensioneve është shndërruar në krizën më të thellë të brendshme të mandatit të dytë të Macron, me policinë dhe protestuesit që janë përleshur cdo ditë në paris dhe qytetet e tjera të vendit përgjatë javës së shkuar.