Drejtoria e Kontrollit të Specializuar pranë Administratës Tatimore ka nisur kontrollin për makinat e luksit të blera nga individë të paregjistruar në organet tatimore. Vetëm gjatë vitit 2023-2024 janë blerë 400 automjete nga persona të cilët nuk rezultojnë të kenë deklaruar të ardhurat e tyre. Të dhënat janë vënë në dispozicion për tatimet nga ana e drejtorisë së përgjithshme të shërbeive të transportit rrugor. Referuar kësaj shifre, por dhe shumave të mëdha të shpenzuara, administrate tatimore u sugjeron këtyre personave që të deklarojnë të gjitha të ardhurat e përdorura për blerjen e këtyre mjeteve. Në rast se ata nuk e bëjnë atëherë do të penalizohen. “Të gjithë individët që zotërojnë automjete të kategorisë luksoze do të përfshihen në procesin e verifikimit nëpërmjet analizës së: Të ardhurave të deklaruara pranë AT; Përputhshmërisë së tyre me vlerën e pasurive të zotëruara; Dokumentacionit justifikues të burimit financiar”, thuhet në njoftim.