Kreu i ekzekutivit përgërzoi hetimet e prokurorisë së Fierit që zbardhën skemën e shmangies nga tatimi për plot 20 vjet nga kompania më e madhe e nxjerrjes së naftës në Shqipëri, Bankers Petrolium. Rama kujtoi se shteti shqiptar ka fituar në arbitrazh çështjen me këtë kompani, e cila tashmë i detyrohet 240 milionë euro buxhetit të shtetit. Rama: “Ne kemi fituar me Bankersin një arbitrazh dhe Bankersi na detyrohet 240 milionë euro, e para. E dyta, shyqyr ka ardhur dita që Prokuroria investigon në mënyrë të pavarur, dhe në këtë rast, i heq kapelen prokurorisë përkatëse që ka bërë këtë investigim, dhe uroj që t’i nxjerri të gjithë ujin e zi asaj ndërmarrjeje ku realisht ka pasur shumë problematika dhe që është akoma sot e gjithë ditën, kostoja e një koncensioni përpara se sa unë të merrja detyrën.”