Ka nisur printimi i fletëve të votimit për zgjedhjet e 11 majit 2025, proces i cili do të mbyllet deri në 8 prill për votuesit nga jashtë, e maksimumi në datën 10 për të gjithë qytetarët shqiptarë me të drejtë vote brenda vendit. Kreu i KQZ, Ilirjan Celibashi, tregoi nga ana tjetër edhe afatet se kur do të nisë dërgimi i fletëve të votimit për diasporën. Duke u ndalur tek dorëheqjet kandidatëve të ndryshëm nga listat, Celibashi theksoi se nëse dorëheqja ka shkuar pas miratimit të listave përfundimtare, emri i tyre do të jetë në fletën e votimit. Sipas Celibashit, emigrantët do të kenë 3-4 ditë kohë për plotësimin e fletës së votimit, dhe kthimin e saj në KQZ. Po ashtu CElibashi foli edhe për përgatitjet e zgjedhjeve brenda vendit, për çka tha se ka nisur rekrutimi i qytetarëve që do të merren me pajisjet e identifikimit elektronik, por edhe me ato të votimit.