Prokuroria e Posaçme kërkoi nga 10 vite burg për ish-zëvendës ministrin, Klodjan Rrjepaj dhe për biznesmenin Ilir Rrapaj për dosjen e koncesionit të sterilizimit. Për katër të akuzuar të tjerë në të njëjtën dosje, SPAK këroi nga 1.4 deri në 3.6 vite burg dhe dy vite shëbim prove për dy të tjerë. Të gjithë të pandehurit në këtë proces gjyqësor, në rast se dënohen nga gjykata do të përfitojnë ulje dënimi me një të tretën për shkak të gjykimit të shkurtuar. Në këtë çështje është përfshirë dhe ish-ministri i Shëndetësisë, Ilir Beqaj, për të cilin, më 28 maj Gjykata Kundër Korrupsionit dhe Krimit të Organizuar, vendosi që ai të gjykohet veçmas pas kërkesës së tij për një proces me procedurë të zakonshme Beqaj nuk ka pranuar gjykim të shkurtuar dhe ka kërkuar ballafaqim të çdo prove të paraqitur nga SPAK. Në fillim të këtij viti të pandehurve Beqaj, Rrjepaj dhe Rrapaj iu shtua edhe akuza për grup kriminal.