Në ditën e tij të dytë si president i zgjedhur, Joe Biden, pas një ndalese në kishë, është ndalur në varrin e gruas së tij të parë, Neilia dhe vajzës së tyre Naomi, që humbën jetën në një aksident rrugor tragjik, dhe atë të djalit Beau, që u nda nga jeta si pasojë e kancerit në 2015. Një ritual ky që ai e kishte kryer për cdo të martë, madje edhe atë të zgjedhjeve, dhe që e ka përsëritur për të parën herë tani si president i zgjedhur. Beau Biden, ish prokuror i përgjithshëm në Delauer, u nda nga jeta në 2015 nga kanceri. Para vdekjes së tij, ai e kishte inkurajuar të atin të kërkonte për të tretën herë kandidimin për shtëpinë e bardhë. Ndërsa bashkëshortja e parë e Biden, Neilia, vdiq në një aksident rrugor në 1972, bashkë me vajzën e tyre një vjec, naomin. Dy djemtë, Beau dhe Hunter, u lënduan por i mbijetuan aksidentit. Ai i bëri nderimet ditën pasi rrjetet kryesore televizive, përfshirë Fox Neës, e projektuan atë fitues të zgjedhjeve presidenciale të 2020.