Top News – Presidenti gati të dekretojë Ramën/ Kush janë emrat që mund të rihapin sherrin Meta-PS

Edhe pse e shtuna është pushim, Damian Gjiknuri ia dërgoi Presidencës propozimin e Partisë Socialiste për të mandatuar si kryeministër Edi Ramën. Me mandatimin e kryeministrit nga Presidenti, Rama i paraqet për miratim Kuvendit, brenda 10 ditëve, programin qeverisës dhe emrat e ministrave parlamentit. Pasi të miratohen në parlament, kryeministri i dërgon Presidentit për dekretim ministrat, i cili duhet të shprehet brenda 7 ditëve. Dekretet e miratuara nga Presidenti kalohen sërish nga kuvendi në një afat 10 ditë. Para fillimit të detyrës, Kryeministri, zëvendëskryeministri dhe ministrat do të betohen para Presidentit Kujtojmë se i gjithë kabineti i propozuar qevritar ka votuar pro shkarkimit të Presidentit Ilir Meta, madje, Ulsi Manja, I cili pret të marrë karrigen e Ministrisë së Drejtësisë ka qenë edhe kreu I Komisionit Hetimor për të vërtetuar shkeljet Kushtetuese të kreut të shtetit. Po ashtu ai ka qenë pjesë edhe e dosjës së Dibrës, fakt për të cilin opozita e ka kritikuar ashpër. Shumica e ministrave të kabinetit të propozuar Rama 3 ka marrë dekretime të mëparshme. As Frida Krifca, Delina Ibrahimi, Edona Bilali e Bora Muzhaqi nuk kanë marrë dekretime të mëparshme nga kreu i shtetit.