Pas disa ditësh bllokimi të plotë si pasojë e një sulmi kibernetik të ardhur nga jashtë Shqipërisë, janë rikthyer në funksion disa nga faqet online zyrtare. Lajmi bëhet I ditur nga Agjencia për Mediat dhe Informim, e cila nëpërmjet një reagimi zyrtar bën me dije se faqet e kthyera I përkasin përkatësisht: “– Drejtorisë së Përgjithshme e Shërbimit të Transportit rrugor me sistemin e lejeve të drejtimit dhe sistemin e targave; – Drejtorisë së Përgjithshme të Doganave; – Fondit të Sigurimit të Detyrueshëm të Kujdesit Shëndetësor me sistemin e recetës elektronike; – Agjencisë Kombëtare të Barnave dhe Pajisjeve Mjekësore me sistemin e barnave. Sipas MIA, autoritetet shqiptare së bashku me kompanitë e Teknologjisë së Informacionit dhe Komunikimit të kontraktuara, po ppunojnë për kthimin në normalitet edhe të faqeve të tjera të sulmuara, përfshi edhe shërbimet online në e-Albania.