Publikimi i spotit elektoral nga Partia Socialiste ditën e nisjes së fushatës zgjedhore, ku protagonist ishte aktori i njohur Robert Ndrenika ka shkaktuar reagime të shumta në rrjetet sociale, sidomos nga mbështetës të spektrit të djathtë. Një ndër këto reagime ka qene edhe ai i gazetarit Arben Manaj I cili ka sulmuar ashpër aktorin, duke e konsideruar të pavend përfshirjen e tij në një spot elektoral të PS, kur vet Ndrenika dikur vite më parë ka qenë deputet i PD . Por pas këtyre deklaratave nuk ka munguar edhe reagimit i aktorit Robert Ndrenika i cili shpeh habinë që sulmi i vjen nga djali i Ali Manajt, që dikur ka qenë sekretar i parë në Gjirokastër. “O Zot çfarë çudirash ndodhin në këtë botë !! Djali i shokut Ali Manaj më shan se paskam bërë një spot për fushatën elektorale…Nuk jam kundër por vetëm se…më shan nga Londra…nga ore nga ?…Nga Londra !!! Në vitet 1967 dëgjova emisionin e fundit të Radio Londrës në gjuhën Shqipe…U mërzitëm se menduam që Anglia nuk po na përfill si popull…dhe sot ky nga më shan nga Londra . Nuk do kisha thënë as gjysëm fjale po të më shante nga Pheniani se kështu do të preheshin të qeta eshtrat e shokut Ali Manaj”, thuhet në reagimin e aktorit Robert Ndrenika në profilin e tij në FB. Por nuk ka vonuar edhe kundërpërgjigjja e gazetarit Arben Manaj, i cili shprehet i ndinjuar nga fjalët e aktorit, duke i kujtuar se babai i tij Ali Manaj është gjallë. “Unë kam respekt për ty si aktor dhe kaq. Më pëlqeu referneca me Penianin, vend i cili bën zgjedhje me një parti sic bëri në zgjehdjet e fundit locale partia jote e re. Pasi partia jote e vjetër është PD, deputet i së cilës krenarisht keni qenë”, thuhet në reagimin e gazetarit Manaj.