Sipas inteligjencës amerikane, Irani ose një nga grupet që ai mbështet do të nisë një sulm ndaj Izraelit shumë shpejt. Teherani premtoi se do të "dënojë" Izraelin me një sulm hakmarrës pasi disa nga komandantët e tij të lartë u vranë në një sulm në konsullatën iraniane në Siri. Kjo ka ngjallur frikën e shpërthimit të një lufte gjithëpërfshirëse në Lindjen e Mesme pasi çdo sulm do të shënonte një përshkallëzim të madh në rajon. Inteligjenca amerikane tani sinjalizon se një sulm nga Irani ose një nga grupet që ai mbështet, mbi izraelin, mund të ndodhë brenda ditëve në vijim, raporton Bloomberg. Ndërkohë, ambasadat e huaja kanë nisur evakuimin e stafit në pritje të një sulmi të mundshëm. Vendet në Lindjen e Mesme dhe SHBA kanë qenë në gatishmëri të lartë dhe po përgatiten për një sulm të mundshëm nga Irani që nga 1 prilli kur avionët luftarakë izraelitë bombarduan ambasadën iraniane në kryeqytetin e Sirisë Damask. Gjenerali Mohammad Reza Zahedi u vra së bashku me gjashtë anëtarë të lartë të rojave Revolucionare Islamike. Kabineti i luftës i Presidentit Netanyahu është thirrur në takime emergjence në mesin e frikës se Irani do të nisë një sulm. Ekspertët i thanë britanikes The Sun se hakmarrja nga vetë Irani dhe jo nga dora e një grupi të mbështetur prej tij mund të ndezë një luftë globale. Grupi kryesor terrorist që mbështet irani, është Hezbollahu, me bazë në Liban. Të mërkurën, lideri Suprem i Iranit Ayatollahu Ali Khamenei e quajti Izraelin një "regjim djallëzor" ndërsa u zotua të "ndëshkojë" vendin. “Kur ata sulmojnë konsullatën, është sikur të kenë sulmuar në tokën tonë. Regjimi zionist bëri një gabim dhe duhet të dënohet dhe do të ndëshkohet” – tha ai. Mediat amerikane raportojnë ndërkohë se shba ka dërguar në izrael komandantin e lartë për lindjen e mesme, gjeneralin Erik Kurilla. Ndrësa presidenti joe biden, përsëriti se mbështetja amerikane për Izraelin është "e hekurt".