Top News-Postimi prekës i deputetes ukrainase/ ‘Mes lotësh u ndava nga fëmijet, po kthehem në luftë’

Sulmet e pandalshme të Rusisë kundrejt Ukrainës, po rëndojnë gjithnjë e më shumë situatën, ku qindra familje janë detyruar të ndahen, që fëmijët të largohen nga Ukraina për të shmangur ndonjë fatkeqësi të mundshme, ndërsa kryefamiljarët kanë zgjedhur të qëndrojnë krah popullit të tyre për të ndihmuar Ukrainën të mundë sulmet ruse. Cdo ditë në mediat sociale publikohen video dhe foto të dhimshme që tregojnë ndarjen e prindërve nga fëmijët e tyre, apo të një burri nga gruaja e tij. Shumë familje janë ndarë, me shpresën për tu takuar sërish në kohë paqeje, kur lufta të mbarojë. Mirëpo, disa prej tyre janë vrarë në luftë dhe nuk kanë mundur të ribashkohen me familjarët dhe të afërmit. Së fundmi, një tjetër postim prekës është shpërndarë gjerësisht në mediat online. Bëhet fjalë për një status të deputetes ukrainase Lesia Vasylenko e cila ka treguar se është detyruar të ndahet nga fëmijët e saj për ti mbrojtur, teksa ajo bën detyrën ndaj atdheut. Deputetja tregon se fëmija më i vogël është vetëm 9-muajsh. Në Tëitter, ajo shkruan ka pranaur të ndahet nga fëmijet dhe të kthehet sërish në Ukrainë dhe të japë ndihmën e saj për të ndaluar sulmet ruse.