Një postim rutinë i kryeministrit Edi Rama me një foto nga plazhi i Velipojës, ka shkaktuar reagimin e ndjekësve të tij në rrjetin social. “Mirëmëngjesi nga Velipoja e dashur”, shkruan Rama në postimin në rrjetet sociale, shoqëruar me një foto të kapur nga ajri. Postimi i përgatitur më herët dhe i shfaqur në profilin e kreut të qeverisë mëngjesin e së dielës, është bërë vetëm disa orë pas maskarës me 4 viktima e dy të plagosur të ndodhur pikërisht në plazhin e Velipojës për mosmarrëveshjet mes dy palëve që lidhen me shfrytëzimin e hapësirës për vendoasjen e shezlolongëve. “Vendose njëherë të vetme gishtin në kokë, o kokë…Lëri fasadat po shiko sigurinë e qytetarëve. Përse nuk merr shteti një aksion për konfiskimin e të gjitha armëve pa leje”, thuhet në disa prej komenteve te qytetarëve të bërë në postimin e Ramës që më pas është fshirë menjëherë.