Sekretari Amerikan i Shtetit, Mike Pompeo, ka reaguar pas emërimit të Olta Xhaçkës si Ministre e Jashtme. Përmes një postimi në Twitter, ai thotë se e ka pritur me kënaqësi emërimin e Xhaçkës në këtë detyrë, ndërsa shkruan se shpreson që të punojë me të për të zgjeruar lidhjet SHBA-Shqipëri. "Me kënaqësi dëgjova njoftimin se Olta Xhaçka është Ministrja e re e Jashtme e Shqipërisë. Ajo ka qenë një partnere e fortë në rolin e saj të mëparshëm si Ministre e Mbrojtjes dhe ne shpresojmë që të punojmë me të për të zgjeruar lidhjet SHBA-Shqipëri ndërsa Shqipëria shkon drejt BE", thotë Pompeo. Pas urimeve të marra nga zyrtari i lartë i SHBA ka reaguar Ministrja Xhaçka duke e falënderuar për vlerësimin. “Faleminderit sekretar Pompeo! Këto fjalë me të vërtetë nënkuptojnë shumë! Jam krenare për miqësinë midis vendeve dhe njerëzve tanë, thellësisht mirënjohës për "mbështetjen e SHBA-së për Shqipërinë", dhe e lumtur që mund të luaj një rol modest në krijimin e partneritetit tonë më të fortë! Unë pres që të punojmë ngushtë me SHBA në zgjerimin dhe konsolidimin e partneritetit tonë strategjik më tej”, thuruan Xhaçka në postimin e saj në Tëitter! Xhaçka u emërua në krye të Ministrisë së Jashtme pas dorëheqjes së Gent Cakaj, ndërsa në Ministrinë e Mbrojtjes, në vend të Xhaçkës u emërua Niko Peleshi.