Strukturat e antidrogës në drejtorinë e policisë së Fierit kane ndërmnarrë një tjetër aksion në luftën kundër narkotikëve. 2 persona babë e bir, përkatësht 60 dhe 34 vjeç janë vënë në pranga në fshatin Kuman në zonën e Roskovecit në vijim të punës për parandalimin e kultivimit të bimëve narkotike dhe goditjeve kundër aktivitetit kriminal në fushën e prodhimit dhe shpërndarjes së lëndëve narkotike. Arresimi i Ylli dhe Mikel Shurdhës është bërë në kuadër të operacionit të koduar ‘Kuman’, i organizuar në bazë të informacioneve të marra në rrugë operative. Arrestimi i këtyre shtetasve u bë pasi gjatë kontrollit të ushtruar në territorin e banesës së tyre, iu gjetën dhe sekuestruan në cilësinë e provës materiale 2.3 kg lëndë narkotike cannabis sativa dhe fidanë të dyshuar cannabis sativa. Hetimi ndaj tyre po vijon nga Prokuroria e Fierit, për veprat penale “Prodhimi dhe shitja e narkotikëve” dhe “Kultivimi i bimëve narkotike”.