Një grup qytetarësh në Prishtinë protestuan para Zyrave të Rregullatorit të Energjisë Elektrike për të kundërshtuar propozimin për shtrenjtimin e rrymës me 15 për qind. Aktivistët e grupit “Asnjë cent me shumë” kanë bllokuan hyrjen në godinën e ZRRE dhe për disa minuta nuk lejuan punonjësit e kësaj zyre që të hyjnë. Protestuesit kërkuan nga anëtarët e bordit që të premtojnë se nuk do të miratojnë propozimin për rritje të çmimit të energjisë. Për shpërndarjen e protestuesve dhe lirimin e hyrjes në godinë u thirrën forcat e policisë. Gjatë aksionit, këto të fundit shoqëruan 10 persona. Paralajmërimi për rritjen e çmimit të rrymës, ka ngjallur reagime të mëdha dhe pakënaqësi te qytetarët dhe bizneset. Këtë shtrenjtim e ka kund dhe presidenca, por deri tash Qeveria e Kosovës nuk ka kundërshtuar shtrenjtimin, përvec që ka kërkuar shtimin e numrit të blloqeve për konsumatorë. Për shkak të pakënaqësive, më 5 prill është thirrur një protestë në Prishtinë.