Policia e shtetit ka intensifikuar kontrollet gjatë ditëve të fundit për zbatimin e masave anticovid, nisur edhe nga shtimi i infektimeve që ka rritur në nivele alarmante. Sipas njoftimit zyrtar të policisë së shtetit gjatë 24 orëve të fundit, Patrullat e Përgjithshme kanë evidentuar dhe ndëshkuar me masë administrative 1289 shtetas që nuk kishin vendosur maskat mbrojtëse. ndërsa nga ana e strukturave të Policisë Rrugore janë ndëshkuar me masë administrative 344 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik të linjave urbane dhe interurbane, pa vendosur maskën mbrojtëse. Gjatë kontrolleve janë shoqëruar në ambientet e Policisë, 6 shtetas që nuk kanë pranuar të tregojnë dokumentin e identifikimit, të cilët pasi kanë paraqitur dokumentin e identifikimit janë ndëshkuar me masë administrative 3.000 lekë dhe janë lënë të lirë. po ashtu janë ndëshkuar me masë administrative 1.000.000 lekë, 7 administratorë subjektesh që janë konstatuar duke ushtruar aktivitetin në kundërshtim me protokollet e sigurisë. Në të gjithë vendin janë ndëshkuar me masë administrative 10.000 lekë, 7 shtetas që janë konstatuar duke lëvizur në këmbë pas orës 22:00. me ndryshimin e orarit të lëvizjes së lejuar që është deri në orën 20 00 policia e shtetit u ka kërë thirrje qytetarëve që kanë nevojë për të lëvizur pas këtij orari që të pajisen me leje nëpërmjet e-Albania.