Pas hyrjes në fuqi të vendimit për mbatjen e maskës së detyrueshme edhe ne rrugë dhe ne cdo ambient tjeter jashtë shtëpisë, strukturat e polcisë së shtetit kanë vijuar kontrollet për zbatimin e ketij akti normatik, por edhe të masve të tjera anticovid. Shërbimet e Policisë, gjatë kontrolleve, kanë konstatuar se shumica e qytetarëve i kishin vendosur maskat mbrojtëse dhe në orët e mbrëmjes. Por gjatë kontrolleve janë konstatuar edhe qytetarë që nuk i kishin vendosur maskat dhe për këto raste, shërbimet e Policisë në të gjithë vendin kanë vendosur 701 masa administrative me vlerën 3.000 lekë secila. Ndërkohë janë shoqëruar në ambientet e Policisë në të gjithë vendin, 9 shtetas, të cilët pasi kanë paraqitur dokumentin e identifikimit janë ndëshkuar me masën administrative 3000 lekë dhe janë lënë të lirë. Po ashtu nga ana e shërbimeve të Policisë Rrugore në të gjithë vendin janë vendosur 564 masa administrative me masë 3.000 lekë secila, për pasagjerë që udhëtonin p maskë mbrojtese ne mjete private dhe nuk kishin lidhje familjare me drejtuesit e ketyre mjeteve, si dhe për pasagjerë pa maska mbrojtëse në mjetet e transportit publik. Policia e Shtetit ka rritur prezencën e shërbimeve me uniformë dhe të punonjësve të Policisë Kriminale në territor, të cilët vijojnë patrullimet dhe kontrollet në të gjithë vendin, për parandalimin dhe goditjen e paligjshmërisë, si dhe monitorimin e masave anticovid, të cilat parandalojnë përhapjen e këtij virusi. Policia e Shtetit u ka bërë apel qytetarëve që te respektojnë mbajtjen e maskës mbrojtëse, ndërsa pronarët e lokaleve të respektojë protokollet e sigurisë dhe të mos kundërshtojnë urdhrin e punonjësve të Policisë, pasi zbatimi i kësaj mase mbrojtëse është i rëndësishëm sepse parandalon infektimin me COVID-19.