Një 33-vjeçar nga Kavaja është arrestuar nga Policia, pasi ka tentuar që në Portin e Durrësit të fusë 33000 euro, të cilat dyshohet se i ka fituar nga aktivitet kriminal. Bëhet fjalë për shtetasin me inicialet S. C., 35 vjeç, pasi gjatë kontrollit të ushtruar nga shërbimet e Policisë në hyrje të RSH, këtij shtetasi iu gjetën të fshehura në trup, 33.000 euro, të padeklaruara. Arrestimi i tij u bë për veprat penale “Mosdeklarimi i të hollave dhe sendeve me vlerë në kufi”, “Fshehja e të ardhurave” dhe “Pastrimi i produkteve të veprës penale ose veprimtarive kriminale”. Policia gjithashtu ka ndaluar një burrë në Rinas, pasi i janë gjetur në valixhe 42.300 euro të padeklaruara. Mësohet se gjatë kontrollit të bagazheve, shtetasit me iniciale “J.M”, i janë gjetur eurot dhe si pasojë po procedohet penalisht dhe ndiqet në gjendje të lirë për veprën penale “Mosdeklarimi në kufi i të hollave dhe i sendeve me vlerë”.