Ish-efektivi I policisë serbe, Danilo Stojanovic është shpallur në kërkim nga autoritetet atje, pasi akuzohet si pjesë e një grupi kriminal. Mediat malazeze shkruajnë se ai dyshohet se ka qenë pjesë e bandës së Darko Saric. Ky I fundit ndër emrat më të njohur I lidhur me një sërë krimesh. Pak ditë përpara shpalljes në kërkim ai është larguar nga Serbia, ku fillimisht dyshohet se është larguar drejt Malit të Zi, teksa mediat pohojnë se ai fshihet në Shqipëri. Në 14 prill ai ka hyrë në territorin e Malit të Zi, sipas informacioneve të bëra publike nga autoritetet atje. Pak orë më pas, Stojanovic është nisur në drejtim të Shqipërisë, ndërsa urdhri për ndalimin e tij ende nuk ishte bërë publik. Ai u ndalua në pikën kufitare të Grncar midis Malit të Zi dhe Shqipërisë, teksa paskontrollit parësor, u zhvendos në pikën e dytë. Në momentin që kontrolli po vijonte në mjetin e tij, ish-efektivi u largua me vrap ku dyshohet se ka kaluar kufirin në këmbë.