1 marsi ishte përcaktaur si faza e dytë e ritestimit të efektivëve të policisë për përdorimin e drogës, mirëpo thuajse jemi në fundin e maujit dhe ky proces ende nuk ka filluar. 45 punonjës të policisë së shtetit, rezultuan pozitiv në testin e drogës në fazën e parë, dhe kryepolici Gledi Nano tha se ata do ti nënshtrohen një faze të dytë për të parë edhe herë rezultatin, pra nëse efektivët do të dalin apo jo të pastër. Edhe pse marrveshja mes institucionit të policisë dhe institutit të mjekësisë ligjorë u firmos më 1 mars, procedurat kanë penguar rifllimin e këtyre ekzaminimeve, duke i lënë kështu pezull 45 punonjësit e policisë. Nga ana tjetër, vonesa e procedurave hedh poshtë fazën e parë të tesimit, pasi efektivët në këtë vonesë të fazës së dyte, mund të rezultojnë totalisht të pastër si përdorues të lëndëve narkotike. Deri me 24 shkurt janë ekzaminuar 1736 punonjës policie, kryesisht nga sektorë dhe mosha me risk, nga të cilët 45 kanë rezultuar të dyshuar pozitivë. Nga këto, vetëm 1 punonjës policie është përjashtuar nga radhët e policisë.