Top News – Po tani! Hapat e radhës për Shqipërinë/Pas hapjes së negociatave me Bashkimin Evropian

Çelja e negociatave të Shqipërisë me Bashkimin Europian, ishte një hap i rëndësishëm për rrugëtimin e vendit tonë drejt unionit. Por cilat do të jenë hapat e radhës që duhet të ndërmarrë Shqipëria deri në anëtarësimin e plotë në union? Faza e parë njihet si “Screening” dhe përfshin një proces shqyrtimi të legjislacionit të Shqipërisë për të parë nëse është në përputhje me kuadrin ligjor të Bashkimit Europian apo me acquis communautaire. Acquis është i ndarë në 35 kapituj negociues, të grupuar në gjashtë grupe, që mbulojnë çdo aspekt legjislativ, të cilat miratohen vetëm pas aprovimit unanim të të gjitha shteteve anëtare të Bashkimit Europian. Peshën më të madhe në këtë process e luan gjyqësori dhe të drejtat e njeriut.