Papa Francesku nuk po mendon të japë dorëheqjen dhe po jeton një jetë plotësisht normale pas një operacioni kirurgjikal në korrik. 84 vjecari reagoi pas raporteve që u shfaqën javën e shkuar se ai po merr në konsideratë të ndjekë shembullin e paraardhësit të tij, Benediktit, dhe të dorëhiqet pas operacionit. Duke folur për një radio spanjolle, papa tha: Unë nuk e di se nga e mësuan ata se unë do të dorëhiqesha...por jo, mund t’ju them se kjo ide as nuk më ka shkuar ndër mend. Ati i shenjtë po ashtu falenderoi edhe infermierët në Vatikan, që e kishin bindur ti nënshtrohej një operacioni për tu shëruar. Papa Francesku tha se më herët ishte trajtuar nga sëmundja, që mund të shkaktonte dhimbje barku dhe gjakderdhje, me antibiotikë. Papa iu nënshtrua operacionit më 4 korrik dhe qëndroi për 11 ditë në spital. Tani mund të ha gjithcka, e kjo nuk ishte e mundur më parë. Unë tani bëj një jetë tërësisht normale – tha ai. Papa bendikti shkaktoi jo pak polemika kur ai dha dorëheqjen nga posti në 2013-ën, duke përmendur shëndetin e keq të tij, e duke u bërë papa i parë që dha dorëheqje me vullnetin e tij nga posti që nga Celestini i V në 1294. Papa Gregori i XII u dorëhoq në 1415 por e bëri këtë për ti dhënë fund ndarjes mes peshkopëve në romë dhe Avinjon, të cilët pretendonin se ishin papët e vërtetë.