CIA ka pranuar se shumë informatorë po vriten, kapen ose dorëzohen në një memo top-secret drejtuar spiunëve të saj në të gjithë botën. Memoja e pazakontë, që i është dërguar të gjithë stacioneve dhe bazave të CIA-s, nënvizon se qendra e misionit të kundërzbulimit kishte analizuar dhjetëra raste gjatë viteve të fundit. Memoja jep një numër të saktë informatorësh të vrarë, informacion i klasifikuar ky që zakonisht nuk ndahet në të tilla dokumenta. Ish zyrtarë kanë zbuluar po ashtu se Kina dhe Irani kanë thyer sigurinë e sistemit të komunikimeve të fshehta dhe kanë ekzekutuar informatorët në ato rrjete ndërsa të tjerë janë detyruar të tërhiqen. Memoja kritikon spiunët për performancë jo të mirë, se kanë nënvlerësuar agjencitë e huaja të zbulimit dhe kanë vënë misionin mbi sigurinë duke lëvizur shumë shpejt e duke mos i kushtuar shumë vëmendje rreziqeve të mundshme. Rusia, Kina, Irani dhe Pakistani kanë patur sukses në gjurmimin e informatorëve vitet e fundit e në disa raste i kanë shndërruar ata në agjentë të dyfishtë. Në iran dhe kinë, disa zyrtarë të inteligjencës besojnë se amerikanët kanë dhënë informacione për agjenci kundërshtare që mund të kenë ndihmuar në ekspozimin e informatorëve. Agjencitë rivale të kundërzbulimit po përdorin skanerat biometrikë, njohjen faciale, inteligjencën artificiale dhe mjete të tjera për të gjurmuar oficerët e CIA-s dhe për të zbuluar informatorët e tyre. CIA ka qenë e angazhuar dy dekadat e fundit me kërcënimet terroriste dhe afganistanin, irakun e sirinë. Por shkolla e vjetër po rikthehet sërish tani ndërsa tensionet janë rritur me Kinën dhe Rusinë