Izolime, raste në rritje dhe një ndasi për sa i takon vaksinave, është kjo panorama në këtë fillim dimri të dytë të evropës në pandemi që ka sjellë kaos në vendet e evropës lindore dhe pasiguri për vendet në perëndim. Pavarësisht vaksinave të disponueshme që këtë dimër janë më të shumta në numër se dimrin e kaluar, evropa është e vetmja pjesë e botës që raporton rritje të rasteve të reja – tha Organizata Botërore e shëndetësisë. Kjo është java e tretë radhazi që rajoni regjistron rritje rastesh – shtoi OBSH. Problemet kanë qenë akute në evropën lindore dhe rusi, që po përballen me viktima në rritje për shkak të hezitimit për vaksinim. Të enjten, letonia u bë vendi i parë në BE që vendosi një izolim ndërsa po përballet me rritje rastesh. Evropa perëndimore po ashtu po regjistron rritje të rasteve pavarësisht se disa vende kanë një mbulim të mirë me vaksina. Shkalla e infektimit në gjermani u rrit në 100 infektime të reja për 100 mijë banorë të shtunën, për të parën herë që nga maji. Belgjika por edhe irlanda, kanë shkallën më të lartë në evropën perëndimore me respektivisht 325 dhe 432 raste për 100 mijë banorë. Zyrtarët belgë thanë se vendi ka hyrë në valën e katërt të covidit. Më shumë se 85 për qind e popullatës së rritur atje është vaksinuar plotësisht dhe mjekët thonë se pjesa më e madhe e atyre që shtrohen në spitale janë të paimunizuar.