Një aksident ka ndodhur në qytetin e Beratit mesditën e kësaj të shtune. Drejtuesi i mjetit ka përplasur 68-vjeçarin i cili po kalonte me biçikletë te vijat e bardha. Ngjarja ka ndodhur rreth orës 14:00 në vendin e quajtur “Ypsiloni”, automjeti tip “Volksëagen”, me drejtues shtetasin Th.F., 68 vjeç, ka goditur biçikletën që udhëtonte shtetasi Agim Mingu, 68 vjeç. Si pasojë e përplasjes, drejtuesi i biçikletës është dëmtuar dhe po merr mjekim në spital, jashtë rrezikut për jetën. Drejtuesi i mjetit Volswagen është shoqëruar në ambientet e Komisariatit të Policisë Berat, për kryerjen e veprimeve të mëtejshme procedurale.