Konflikti i armatosur i ndodhur mbrëmjen e të martës në Shkodër, ku mbeti i plagosur Çelë Shabaj ndodhi për shkak të një debati se kush duhet të kalonte i pari me makinë. 43-vjeçari po bëhej gati të shkonte në një dasmë por një plumb në këmbë para se të nisej ia bëri të pamundur. I plagosuri doli nga banesa e tij ndërsa autori po kalonte aty pranë. Debati se kush duhet të kalonte i pari nxiti konfliktin, ku autori Kristjan Kakija që ndodhej në automjet me dy të afërmit e tij, Lulzim dhe Artan Kakija të moshësh 24 dhe 28-vjeç pasi eci disa metra nxorri armën dhe qëlloi në drejtim të 43-vjeçarit. Në atë moment kanë ndërhyrë pjestarë të tjerë të fisit Shabaj që ndodheshin aty pranë, dhe pasi i hoqën armën autorit u përleshën fizikisht. Tre të rinjtë, të fisit Kakija, u arrestuan nga policia ndërsa u sekuestrua arma e zjarrit tip pistoletë. Ndërkohë u shpallën në kërkim tre persona të tjerë nga ana e policisë. Ata akuzohen për veprat penale “Vrasja me dashje”, mbetur në tentativë, kryer në bashkepunim dhe “Mbajtja pa leje dhe prodhimi i armëve, armëve shpërthyese dhe i municionit”.