Një 15 vjecar mbeti i plagosur me armë zjarri në qafë mesditën e kësaj të diele në zonën e Ali Demit në kryeqytet. Ngjarja ndodhi në një piceri, aty ku punonte i mituri, ku pas një konflikti mes tij dhe kolegut të tij që punonte motorrist, ky i fundit nxori armën dhe qëlloi 15 vjecarin. Autori është identifikuar nga nga policia dhe është vënë në kërkim nga shërbimet e komisariatit numër 1, ndërsa 15 vjecari po merr trajtim në spitalin e Traumës. Paraprakisht bëhet me dije se i plagosuri është jashtë rrezikut për jetën dhe ka vetëm një plagë në zonën mes shpallutës dhe qafës. Policia e Tiranës pritet të kqyrë dhe të sekuestrojë kamerat e sigurisë të picerisë për të parë se si ka nisur sherri mes dy personave. Mbeten të paqarta shkaqet e konfliktit, teksa në pyetje pritet të merret edhe i lënduari pasi të jetë në gjendje më të stabiluzuar. Në pyetje do merret edhe stafi i picerisë për të kuptuar nëse sherri ka qenë i castit, apo nëse dy punonjësit kishin kohë që konfliktoheshin me njëri tjetrin. Materialet e grumbulluara nga shërbimet e policisë do i referohen prokurorisë së tiranës për veprime të mëtejshme.