Tentoi t’i shpëtonte kontrollit të policisë në banesë dhe për 12 orë qëndroi në arrati duke mos iu përgjigjur thirrjeve për t’u dorëzuar. 45 vjecari Josif Kavaja nga fshati Seltë i Elbasanit, madje i është kundërpërgjigjur me armë në orët e para të mengjesit forcave të reneas që e mbajtën të rrethuar. Fillimisht ai u rrethua në një perimetër sigurie në banesën e tij, prej nga ka mundur të lëvizë në drejtim të pyllit ku edhe mundi të fshihej për 12 orë. Përmes një njoftimi për shtyp policia e elbasanit ka bërë të ditur se gjatë shkëmbimit të zjarrit ka mbetur i plagosur Josif Kavaja, jashtë rrezikut për jetën. Forcat policore për 12 orë i kanë bërë thirrje të dorëzohej 45 vjeçarit, Por ai ka kundërshtuar duke sulmuar më pas edhe me armë zjarri. Kontrolli në banesën e Josif Kavajës do të ushtrohej me vendim të gjykatës pasi dyshohej se ai disponnte armë zjarri. Në përfundim të operacionit në vendngjarje janë gjetur, një armë zjarri pushkë dhe një sopat. 45 vjeçari banote i vetëm dhe mësohet se vuante nga probleme të shendetit mendor. ëndetit mendor. Grupi hetimor nën drejtimin e Prokurorisë së Rrethit Gjyqësor Elbasan , vijon punën për dokumentimin e plotë të ngjarjes. Pak kohë më parë në Elbasan u shënua një tjetër ngjarje e ngjashme, ku shtetasi Lefter Zhidru luftoi me policinë me orë të tëra dhe mbeti i vrarë nga shkëmbimi i i zjarrit. Ai nuk pranoi policinë për kontroll në banesën e tij në qytetin e Elbasanit ku qëndroi i ngujuar duke mbajtur peng edhe pjesëtarë të familjes.