Gjykata kundër Korrupsionit dhe Krimit të Organizuar, ka lënë në fuqi masën e sigurisë ‘Arrest me burg’, për Burim Ferizajn dhe Përparim Kalbajn, të cilët akuzohen për “Prodhimi dhe shitja e narkotikëve”, “Pastrimi i produkteve të veprës penale apo I veprimtarisë kriminale”, “Grupi i strukturuar kriminal”, “Kryerja e veprave nga grupi I strukturuar kriminal”. Nga hetimet paraprake SPAK bëri të ditur se dy të arrestuarit dyshohet se kishin ngitur një sistem informal të transferimit të parave të grupeve kriminale. Së bashku me Ferizajn dhe Kalbajn, u arrestua në Zvicër edhe Ervis Ferizaj. Të akuzuarit dyshohen se futen miliona euro ne Shqiperi nga Zvicra permes sistemit “Hawala”, I cili nuk le gjurme por ka si takse masen 6% te vleres, jane perdorur zyra te kembimit valutor dhe agjencive turistike.