Me kopshtin e mbushur me kaktuse dhe me panoramën marramendëse me maja shkëmbinjsh të shkretëtirës së Arizonës, shtëpia e Uendi dhe Vans Uolker, në rio Verde, duket si një pjesë e vogël parajse. Deri sa uji u ndërpre. Qyteti fqinj, Scottsdale, vendosi se nuk mund të përballonte më shitjen e rezervave të tij nga lumi kolorado, në prag të stinës së nxehtë, në një kohë kur thatësira që zgjasin tani prej dekadash, po gjunjëzojnë perëndimin amerikan. Për tre muaj, cifti ka ngrënë në pjata një përdorimëshe, ka bërë vetëm dushe shumë të shpejta, jo cdo ditë, dhe ka mbledhur ujë shiu për ta përdorur në tualet.