Peshkatarët që planifikojnë të pengojnë stërvitjen e parashikuar ushtarake të rusisë pranë brigjeve të Irlandës, janë paralajmëruar nga zëvendëskryeministri irlandez të mos vendosin veten në rrezik. Patrik Mërfi, shef ekzekutiv i organizatës irlandeze të peshkatarëve, tha se disa anëtarë të saj planifikojnë të mbajnë një protestë kundër stërvitjeve ushtarake të muajit të ardhshëm. Ai tha se ambasada ruse ka qenë në kontakt në lidhje me protestën e planifikuar duke pretenduar se do të ishte e rrezikshme të dërgoheshin anije që do të ndërhynin në stërvitje. Mërfi tha se tre anije do të përfshiheshin në protestë dhe do të vazhdonin të peshkonin në ujërat e tyre. Sidoqoftë, anijet e peshkimit mund të përballen me rrezik për shkak të nëndetëseve, të rusisë dhe NATO-s, që me gjasë do të ndjekin flotën detare. Stërvitjet do të nisin në fillim të shkurtit, 150 milje larg nga brigjet e irlandës, në ujëra ndërkombëtare por brenda hapësirës ajrore të kontrolluar nga vendi dhe brenda zonës ekonomike ekskluzive të saj. Mërfi tha se zona është shumë e rëndësishme për peshkim dhe se ata duan të mbrojnë diversitetin.