Ngjarja tronditësë në Vlorë, ku u zbulua se gruaja mbante prej disa ditësh në shtëpi trupin e bashkëshortit të vdekur, ka risjellë në kujtesë episodin trondites të familjes Josifi në Tiranë. Valbona Prenga, e cila dyshohet se mund të ketë probleme mendore, nuk ka raportuar vdekjen e të shoqit, Llazar Prenga i cili sipas informacioneve të para, vuante nga një sëmundje e rëndë. Mësohet se policia në këtë pikë nuk po përjashton as mundësinë e vrasjes, megjithatë të gjitha informacaionet janë ende në fazë paraprake. Alarmin e kanë fqinjët, të cilët druheshin se mos familjes i kishte ndodhur dicka e për këtë arsye kanë lajmëruar policinë. Uniformat blu kanë shkuar në banesë por gruaja nuk e hapte derën. Në fund, ata e kanë shqyer derën e kanë hyrë brenda ku gjetën dhe trupin e pajetë. Pritet të zbardhen arsyet përse gruaja fshehu kufomen e të shoqit dhe nuk lejoi hyrjen forcave të rendit.