Top News – Përse del testi pozitiv/ …dhe muaj pas kalimit te covidit
20/12/2020 12:08

Tek disa njerëz testet e virusit Corona tregojnë rezultat pozitiv, megjithëse infektimi ka muaj që ka kaluar. Studiuesit besojnë se kanë gjetur një përgjigje për këtë. Një shpjegim i mundur për shfaqjen e virusit në testet PCR edhe pasi infektimi me Corona ka kohë që ka kaluar vjen nga studiuesit amerikanë. Sipas agjencisë së lajmeve, dpa, në një studim të fundit grimca të imta të ADN-së së virusit në raste mjaft të rralla mund të zënë vend në ADN-në e njeriut. Si rezultat testi vazhdon të tregojë infektim, megjithëse viruset prej kohësh janë larguar nga trupi, raportojnë studiuesit. Rezultatet e studimit të publikuar paraprakisht ende presin vlerësimin e pavarur të studiuesve të tjerë. Viruse të plotë, që mund të shkaktojnë një sëmundje të re apo që mund të infektojnë njerëz të tjerë, nuk mund të krijohen më si pasojë e kalimit në ADN, shkruajnë studiuesit. Studiuesit që nuk shohin kalim të ARN-së në ADN Për mjaft shkencëtarë studimi paraqet shumë interes nga ana shkencore, ata i vlerësojnë proceset e paraqitura si të besueshme, por nuk shohin ndonjë rëndësi të veçantë biologjike të proceseve të paraqitura. Joachim Denner, një studiues në Institutin Robert Koch në Berlin shprehet se „do të jetë megjithatë tërësisht e përjashtuar, që vaksina e ARN-së të transformohet e integrohet në ADN.” Në kuadër të vaksinimit të pritshëm kundër Coronës është shprehur herë pas here një shqetësim i tillë. Studiuesit thonë, shkruan dpa, se integrimi i ADN-së së virusit në ADN-në njerëzore për shkaqe biologjike është i pamundur, sepse informacionet gjenetike janë të formave të ndryshme: tek virusi ato kanë formën e ARN-së, tek njeriu të ADN-së. Për shkak se molekulat kanë përbërje kimike të ndryshme, ato nuk mund të shkrihen me njëra-tjetrën. “Integrimi i ARN-së në ADN nuk është i mundur për shkak të strukturës kimike” ka shkruar edhe Instituti Paul-Ehrlich. Paska shndërrim të ARN-së në ADN? Por puna e studiuesve rreth Rudolf Jaenisch nga Instituti i Teknologjisë së Masaçusetsit në Cambridge tregon se me gjasë, në kushte mjaft ekstreme kjo është e mundur, dhe në raste shumë të veçanta ndodh edhe pas një infektimi të natyrshëm. Nga njëra anë, studiuesit gjetën në të dhënat e ADN-së të qelizave të njerëzve të infektuar, grimca të substancës gjenetike të virusit në ADN-në e njeriut. Nga ana tjetër ata provuan në eksperimente të kultivimit të qelizave, se qelizat në raste të rralla mund ta marrin ADN-në e virusit, nëse aktivizohen pjesëza të caktuara të ADN-së njerëzore. Kjo mund të ndodhë pas një infektimi për shembull. Përmes këtij aktivizimi ARN-ja e virusit shndërrohet në ADN dhe mund të ndërfutet në substancën gjenetike të njeriut. „Nëse në diskutimin publik aktual do të vazhdojë të thuhet, se ARN-ja virale si ajo e virusit Sars-CoV-2 parimisht nuk kalon në genomin e ADN-së njerëzore, atëherë është vërtet e gabuar. Këtë e tregon studimi aktual”, tha Oliver Weichenrieder nga Instituti Max-Planck për Biologjinë e Zhvillimit në Tübingen. Shndërrimi shenjë e mekanizmit mbrojtës të trupit ARN-ja e transformuar dhe e futur në ADN mundet që më vonë të rikthehet sërish në ARN. Por “një ARN e tillë nuk është më infektuese dhe nuk mund të prodhojë më viruse.” Virologu David Baltomore nga Instituti i Teknologjisë në Kaliforni është shprehur, se për shkak se nuk krijohen më viruse të reja me gjasë “instalimi” i ADN-së së virusit biologjikisht është një udhë njëkalimshe. Nuk dihet, nëse tek njeriu qelizat që e kanë marrë virusin qëndrojnë gjatë apo vdesin. “Ky punim le një sërë pyetjesh të hapura.” Nga pikëpamje evolucionuese „instalimi” i ARN-së së virusit është e mundur të jetë një mekanizëm mbrojtës i trupit, shkruajnë shkencëtarët amerikanë. Sistemi imunitar mund të reagojë ndaj substancës gjenetike të huaj dhe bëjë gati „armët” e tij mbrojtëse, që janë pastaj të gatshme në një rast infektimi me virus.

Top News – Do ta fitojmë luftën me Amerikën! Kim Jong Un betohet në përvjetorin e luftës së koreve
27/07 13:15
Top News – Ballkani Perëndimor po digjet / Greqia në luftë me flakët, evakuohen fshatrat
27/07 12:19
Top Channel/ Izraeli ndalon sulmet, Netanyahu vendos ”pauzë humanitare” pas presionit ndërkombëtar
27/07 11:17
Top Channel/ Orban me paralajmërimin e frikshëm: BE ka rrezik të shkatërrohet
26/07 22:42
Top Channel/ Trump luan golf, skocezet e presin me protesta: S’je i mirëpritur
26/07 21:55
Top News – Orban, presion Brukselit me 2 trilionë eurot e buxhetit
26/07 20:00
Top News – Kriza e urisë në Gaza. 83 fëmijë ndërruan jetë për mungesë ushqimi
26/07 20:00
Top News – Trump në ‘librin’ Epstein. Demokratët kërkojnë një kopje të shënimeve të ditëlindjes
26/07 12:37
Top Channel/ Kamboxhia kërkon paqe, vijon lufta me Tailandën
26/07 12:04
Top Channel/ Golf dhe diplomaci, Trump shkon në Skoci për pushime, takim me Starmer e Von Der Leyen
26/07 12:03
Top News – Golf, biznes dhe diplomaci. ‘Pushimet e punës’ të Trump gjatë vizitës në Skoci
26/07 11:19
Top News – Çmendet moti, përvëlim edhe në Finlandë/ Babagjyshi ndjen nxehtësinë, Laplandi përvëlohet
26/07 09:52
Top Channel/ Zbulim tronditës në Britani, çfarë u gjet në pyll
25/07 23:05
Top Channel/ “Izraeli t’i japë fund luftés tani”! Britani-Francë-Gjermani bëhen bashkë
25/07 23:04
Top News- Izraeli miraton lejen për Gazan/ Lejohen 2 shtete të hedhin ushqime nga ajri
25/07 23:00
Top News- Izraeli arreston Myftiun e Al Aksa/ Prangoset pas faljes, pasi akuzoi Tel Avivin për Gazan
25/07 22:45
Top News- Përmbyset varka me emigrantë/ Të paktën 15 të vd*kur, e disa të zhdukur
25/07 22:20
Top News- ‘Ajo që thotë Macron, s’ka rëndësi’/ Trump kundër Francës për njohjen e Palestinës
25/07 22:11
Top News- Presidentja e KE, takim me Trump/ Vendimi pas një telefonate, problem taksat
25/07 21:00
Top News – Lideri çeçen gati u mbyt / Kadyrov për pushime në Turqi, shpëtohet nga rojat bregdetare
25/07 17:15