Gjykata e Tiranës caktoi masën e sigurisë “arrest në shtëpi”, për drejtuesin e autobusit urban i cili përplasi 11 automjete pak ditë më parë te Ura e Tajvanit në Tiranë. Në dëshminë e tij, Agron Xhafa u shpreh se në momentin e përplasjes, humbi vetëdijen, ndërsa edhe njëherë shtoi faktin që vuan nga sëmundja e diabtetit dhe tensionit. Shoferi i autobusit u arrestua të hënën, për shkeljen e rregullave të qarkullimit rrugor, pasi shkaktoi aksidentin zinxhir te Tajvani. Xhafa po qarkullonte me shpejtësi tej normave të lejuara, për pasojë përplasi 11 automjete që kishin ndaluar në semafor. Si pasojë e aksidentit zinxhir, 6 persona mbetën të lënduar dhe u dërguan në spital për të marrë ndihmë mjekësore. Nga testi i alkolit, shoferi rezultoi se nuk ishte në gjendje të dehur. Testit të alkolit iu nështruar edhe drejtuesit e automjetee, të cilët po ashtu rezultuan se nuk kishin konsumuar alkol. Pamjet filmike të cilat u siguruan nga Top Neës, tregonin momentin kur autobusi përplas fillimit një automjet që po qarkullonte paralel me të, më pas godet një automjet tip Porche, e më pas krijon aksident zinxhir dhe përplas 9 automjete të tjera.