Partitë politike ndezin sot zyrtarisht motorët e fushatës për zgjedhjet e 25 prillit. Këtë mëngjes kryeministri Edi Rama ka publikuar një videomesazh, ku personazhi kryesor është aktori i mirënjohur Robert Ndrenika, i cili teksa bën një rezyme të zhvillimeve në vend, e përcakton panoramën me frazën, “jemi vetëm në gjysmën e rrugëtimit tonë”. Aktori në rrëfimin e tij ka vecuar teatrin, teksa shprehet se ishte një vend që gjallëronte. Teatri ishte pasioni ynë, ishte shtëpia ime, shtëpia juaj dhe e të gjitha familjeve tona, por tani boshatisja e tij tregon vuajtjet tona në këto kohë që shfaqjet janë ndaluar. E di që këtu do shohim përsëri shfaqje. Jo vetëm këtu por edhe në Teatrin e ri kombëtar që do ngrihet aty ku ishte por shumë herë më funksional dhe shumë herë më i bukur nga sa ishte. Dhe jemi vetëm në gjysmën e rrugëtimit tone, shprehet Ndrenika. Vështirësitë që kaluam nuk na thyen dot, vijon ai, përkundrazi na bashkuan na sollën më pranë njëri-tjetrit. Ndjemë nevojën për të ndihmuar ata që ishin më shumë në vështirësi, na kanë bërë më të fortë ato vuajtje….. Në ditën e parë të ndeshjes zgjedhore, siç e ka quajtur vetë, Rama shkruan krahas videos: “Për hajër të gjithëve bashkë, për njëri-tjetrin dhe për Shqipërinë, të ardhmen tone