Zbardhet ngjarja e regjistruar mbrëmjen e së shtunës në fshatin Bardhaj në Shkodër. Konflikti me armë ka shkaktuar plagosjen e dy vëllezërve Hoten dhe Marjan Doci. Besim Perkola, i shpallur në kërkim nga policia ka qëlluar me automatik ndaj dy vëllezërve, ndërkohë që këto dy të fundit i janë përgjigjur me arme zjarri pistolete. Mësohet se ngjarja ishte pasojë e një konflikti që treshja nisi në një lokal të zones, ndërkohë që ka qenë Perkola ai që ka marrë armën dhe i ka bërë pritë dy vëllezërve. Ne vendin e ngjarjes janë sekuestruar 11 gëzhoja. Policia ka ndaluar si të përfshirë ne këtë ngjarje edhe dy vëllezërit Doçi, të cilët aktualisht ndodhen ne spital jashtë rrezikut për jetën. Hoten dhe Marjan Doçi janë plagosur mbrëmjen e djeshme teksa qarkullonin me mjetin e tyre tip “Audi A4” në fshatin Bardhaj të Shkodrës. Ndaj vëllezërve është qëlluar me breshëri por fatmirësisht kanë mundur që t’u shpëtojnë plumbave. Të rinjtë Doçi janë të afërm të Gentian Doçit (djemtë e xhaxhait) emri i të cilët është lakuar për pengmarrjen e Jan Prengës.