Kryeministri i ri i Izraelit, Naftali Bennett, ka premtuar se do të bashkojë një vend të ndarë nga vite ngërci politik. Ai tha se qeveria e tij do të punojë për të gjithë njerëzit duke shtuar se prioritet do të kenë reformat në edukim, shëndetësi etj. Nacionalisti i krahut të djathtë, do të udhëheqë një koalicion të paprecedenttë partish që fituan votëbesimin me një diferencë të vogël prej vetëm një vendi më shumë, të dielën. Ai pason Benjamin Netanyahun, që u detyrua të largohej nga posti pas 12 vitesh. Bennett, lideri i partisë Yamina, do të jetë kryeministër deri në shtator 2023, sic është përcaktuar në marrëveshjen për ndarjen e pushtetit. Më pas ai do ta lërë vendin liderit centrist Yair Lapid për dy vite të tjera. Netanyahu, kryeministri më jetëgjatë në izrael, do të mbetet si shef i partisë majtiste likud dhe do të bëhet lider i opozitës. Gjatë debatit një ditë më parë në parlament, netanyahu premtoi : Ne do të rikthehemi!