Ora 16.00 ishte afati i fundit i dorëzimit të kandidaturave për pozicionin e kreut të Byrosë Kombëtare të Hetimit, pas skualifikimit të drejtoreshës aktuale Aida Hajnaj. Sipas informacioneve, katër persona kanë paraqitur të gjitha dokumentacionet dhe kanë aplikuar online në faqen që është vënë në dispozicion nga Prokuroria e Posaccme Antikorrupsion për këtë pozicion. Njëri prej kandidatëve është zëvëndës drejtori aktual i BKH, Joni Keta, i cili e ka marrë këtë post disa muaj më parë. Ky i fundit është ekspozuar kohët e fundit në konferencat që ka mbajtur SPAK me ndërkombëtarët, si përfaqësues i Byrosë kombëtare të Hetimit, teksa garon me tre të tjerë për të drejtuar BKH për 5 vitet e ardhshme. Gledis Nano ish drejtori i përgjithshëm i policisë së shtetit, ish drejtor i antiterrorit dhe person që ka mbajtur disa poste të rëndësishme në strukturën e policisë së shtetit garuan gjithashtu për këtë pozicion. Ky i fundit ka kryer edhe një kurs disa mujor pranë FBI.