Gjykata e Posaçme kundër Korrupsionit dhe Krimit të Organizuar ka dhënë masën e sigurisë “arrest me burg” për dy të arrestuarit Artur Balla dhe Bledar Lilo, të akuzuar për grup të strukturuar kriminal dhe pastrimi parash. SPAK kërkoi për dy të arrestuarit masën e sigurisë ‘arrest me burg’, pasi i akuzon si të përfshirë në skemën e pastrimit të 18.4 mln eurove. Gjatë seancës, pala mbrojtëse ka kërkuar që çështja të mos hetohet nga SPAK dhe të shpallë moskompetencën, pasi Artur Balla dhe Bledar Lilo kanë qenë vetëm shoqërues të italianit Francesco Zummo, 90 vjeç dhe ekonomistit të tij Fabio Petruzzella dhe mohojnë që të kenë pasur para apo të kenë hapur llogari bankare apo kryer transferta parash. Po ashtu, pala mbrojtëse pretendon se ata nuk kanë pasur lidhje me paratë, ndërsa thonë se sasia e eurove ka kaluar në rrugë bankare dhe se duhet të mbajë përgjegjësi italiani Francesco Zummo pasi aid he ekonomisti i tij kanë kryer veprimet. Megjithatë pretendimet e tyre janë rrëzuar nga trupa gjykuese.