Ekipet e shpëtimit kontrolluan ndërtesat e shembura të dielën në kërkim të të mbijetuarve ndërsa pasgoditjet tronditën qytetin e shkatërruar të Mandalay, dy ditë pas tërmetit masiv që vrau të paktën 1,700 njerëz në Myanmar dhe të paktën 18 në Tajlandën fqinje. Tërmeti fillestar me magnitudë 7.7 goditi afër qytetit qendror të Mianmarit Mandalay herët pasdite të së premtes, pasuar disa minuta më vonë nga një pasgoditje me magnitudë 6.7 ballë. Lëkundjet shkatërruan ndërtesa, rrëzuan ura dhe rrugët. Më shumë se 1.7 milionë banorë u prekën nga goditja. "Rreth shtatë njerëz vdiqën këtu" kur ra tërmeti, tha një banorë për AFP. "Unë jam duke kërkuar për më shumë trupa, por e di që nuk mund të ketë asnjë të mbijetuar." Rreth një orë më vonë, një pasgoditje e vogël goditi sëris zonën duke shkaktuar panik në radhët e qytetarëve. Junta qeverisëse e Mianmarit tha në një deklaratë të dielën pasdite se rreth 1,700 njerëz u konfirmuan të vdekur deri më tani, rreth 3,400 të plagosur dhe më shumë se 300 të tjerë të zhdukur.