Pandemia e koronavirusit e përhapur që prej vitit 2019 në të gjithë botën, mesa duket po largohet ku rastet e infektimit kanë pësuar një ulje të lartë, po ashtu edhe numri i viktimave. Edhe pse u tha se covidi po konsiderohet si një grip normal, kjo nuk do të thotë që personat që e kalojnë atë pa simptoma, të mos kenë pasoja më vonë në të ardhmen. Një studim i fundit ka treguar se ekziston një lidhje midis infektimit dhe zhvillimit të sëmundjeve kardiovaskulare, pavarësisht nëse keni qenë asimptomatik apo me simptoma. Ky studim u publikua nga një revista e njohur ‘Nature’, i cili bazohet në hulumtimin e 150 mijë personave të infektuar me Covid përgjatë periudhës së pandemisë. Prej tyre, një numër i konsiderueshëm kanë zhvilluar më pas sëmundje kardiovaskulare. Studimi arrin në përfundimin se ata që janë infektuar, kanë 52% më shumë gjasa të kenë një goditje në tru dhe 72% më shumë gjasa të vuajnë nga probleme të zemrës të çdo lloji. Një nga bashkautorët e studimit, siguron se nuk ka rëndësi nëse je i ri apo i vjetër, nëse pi duhan apo jo”, për të gjithë rreziku është aty. Ndërsa të tjera studime, paralajmëruan për rrezikun e shfaqjes së vonshme të problemeve kardiovaskulare pas infeksionit.