Qeveria italiane ka miratuar një dekret që e bën të detyrueshëm për të gjithë punonjësit e sektorit publik dhe privat që të tregojë prova vaksinimi, një test negativ ose shërim të kohëve të fundit nga infektimi – tha ministri italian i shëndetësisë Roberto Speranza. Rregulli, për të cilin u ra dakord në mbledhjen e kabinetit, ka si qëllim të bindë më shumë njerëz që të vaklsinohen kundër koronavirusit. Ai duhet të hyjë në fuqi më 15 tetor. “Kjo masë merret me qëllim që të bëhen vendet e punës më të sigurt dhe fushata e vaksinimit të bëhet më e fortë”, tha Speranza. Ai e quajti dekretin e qeverisë një strategji që tregon se vaksina është thelbësore për të hyrë në një sezon të ri. Rreth 75 për qind e popullatës italiane, të moshës 12 vjec e lart, janë vaksinuar plotësisht sipas shifrave qeveritare. Kjo e bën italinë, vend që dikur ishte epiqendra e pandemisë në kontinent, të parin në evropë që vendos një rregull të tillë, të prerë. Italia më herët kishte urdhëruar vaksinimin e të gjithë punonjësve të shëndetësisë. Që nga 6 gushti, një certifikatë e gjelbër, ka qenë e nevojshme për të hyrë në site kulturore si muze apo galeri, ambjente argëtimi apo sportive, parqe lojërash, spa, apo restorante. Kjo u zgjerua më pas edhe në fluturimet e brendshme, udhëtimet me trena mes rajoneve si edhe në udhëtimet në det. Pasporta e gjelbër tregon se mbajtësi është vaksinuar, ka rezultuar negativ në 48 orët e shkuara ose është shëruar nga virusi gjashtë muajt e shkuar.