Ushtria izraelite thotë se ka tërhequr pjesërisht trupat nga disa pjesë të Gazës, pas marrëveshjes së armëpushimit me Hamasin që hyri në fuqi të premten në mëngjes. Forcat izraelite thanë se ishin tërhequr pa lënë territorin por në një pozicion tjetër të rënë dakord- megjithëse trupat ende mbajnë të pushtuar gjysmën e Rripit të Gazës. Pamjet e siguruara nga BBC por dhe AFP tregojnë mijëra palestinezë që po shkojnë drejt veriut të Gazës; zonë që është bombarduar më rëndë nga forcat izraelite në muajt e fundit. Armëpushimi hyri në fuqi pasi qeveria izraelite miratoi të enjten fazën e parë të marrëveshjes së hartuar Presidentit të SHBA-së Donald Trump për armëpushim dhe kthimin e pengjeve. Fazat e ardhshme janë ende duke u negociuar. Sipas marrëveshjes, Hamasi ka afat deri në orën 12:00 sipas kohës lokale (10:00 BST) të hënën për të liruar të gjithë pengjet izraelite. 20 besohet se janë ende gjallë.