Vala e shkarkimeve që preku drejtorët në Bashkinë e Vlorës do të vijojë edhe në bashkitë e tjera të mëdha të vendit. Paralajmërimin e ka dhënë Kryeministri Edi Rama, që e cilësoi si ‘aksion vetëpastrimi’. Sinkron rama shkarkimet - Siç bëmë në Vlorë, do bëjmë në Tiranë, në Fier, Durrës, Shkodër, sepse këto qytete kanë marrë hov të madh dhe do përballen me sfida të reja”, theksoi Rama ndërsa lajmëroi se aksioni për heqjen e zaptimeve në hapësirat publike do të vijojë në disa bashki të vendit. Duke iu rikthyer aksionit për lirimin e hapësirave publike, Rama citoi sërish ndërtimin e fshatit turistik në Theth duke shtuar se Ministria e Drejtësisë po bën gati dokumentacionin ndaj prokurores së Shkodrës, që nuk hetoi ndërtimin në fjalë.