Ish-kryeministri Sali Berisha u ndal sërish këtë të mërkurë tek Draft-kodi penal, duke e cilësuar si një draft të dalë nga shpellat e mafias. Sipas tij kjo provohet edhe nga deklarata e Prokurorit të Përgjithshëm. Kur unë u deklarova ju se ai ka dalë nga shpellat e mafies, sigurisht që pati njerëz të cilët e përcollën me habi. Por ja pra, unë u them të gjithë atyre që u habitën, tani që Prokurori i Përgjithshëm deklaron se institucioni i tij as që është pyetur ndonjëherë as për konsultë, as për mendim, kuptoni ju se çfarë përfaqëson kodi që të vërtetë shënon pothuaj dyfishimin e dhunës ligjore mbi qytetarët. Burg për parkime, burg për faturat e dritave, burg për faturat e ujit, burg për ndërtimin në tokën tënde, në truallin tënd. Ndërkohë lidhur me atë që e quan si farsë elektorale publikoi shifra që sipas tij janë shpenzuar nga qeveria në zgjedhje. SINK diktatura autoritare përdori 1 miliardë e 24 milionë euro. Cilat janë? 500 mln në kundërshtim me ligjin në prokurorime publike. 244 mln në kundërshtim me ligjin interesa bankare dhe grante për fermerët. 200 e ca milionë gjoba dhe kamata të falura të 10 viteve të fundit. 76 mln çdo pensionist 100 euro.Pra vetëm me këto, pa llogaritur dhe 100 mln rrënjë kanabis, që nuk mbillen dot. Të them unë, 100 mln nuk i mbjell dot.