Një gjëmim kërcënues jehon në qiellin e natës në Ukrainën lindore. Shpërthime dëgjohen, shkëndijat ndriçojnë fushat e lulediellit poshtë dhe aroma e barutit helmon ajrin. "Atje! Tre kilometra larg!" bërtiti një ushtar ukrainas në njësinë e mbrojtjes ajrore të pajisur me armë të epokës sovjetike dhe të ngarkuar me rrëzimin e dronëve rusë, përpara se ata ti drejtohen qyteteve dhe fshatrave ukrainase. Mjetet ajrore pa pilot me rreze të gjatë veprimi të projektuara fillimisht nga Irani, por të përmirësuara dhe të lançuara nga Moska, kanë qenë shkatërrimtare për Ukrainën që nga kapitujt e hershëm të pushtimit të nisur në fillim të vitit 2022. Moska ka trumbetuar prodhimin e saj në shkallë industriale të armëve të lira, me televizionin shtetëror që publikoi pamje të asaj që e quajti fabrika më e madhe e dronëve në botë. Pamjet e rralla tregonin grumbullimin e qindra dronëve Geranë në formë trekëndëshi të zi. Një natë korriku, AFP bashkua me një njësi të mbrojtjes ajrore në rajonin lindor të Dnipropetrovskit të Ukrainës, dhe atë natë Rusia lëshoi 344 dronë, por breshëria e saj më e madhe ndonjëherë përbëhej nga më shumë se 700.