Neslihan Atagul, e cila prej shumë vitesh është e martuar me kolegun e saj, aktorin Kadir Dogulu, ka bërë të ditur se është shtatzënë. Çifti, të cilët u njohën në serialin “Fatih Harbiye” dhe nisën një lidhje dashurie, u martuan në vitin 2016 me një dasmë madhështore. Dyshja kanë qenë më të rezervuar sa i përket jetës private dhe e kanë mbajtur gjithnjë larg syrit të publikut. Aktorja bukuroshe, e cila prej pak kohësh është në lajme me thashethemet për shtatzëninë, ka shpërndarë një postim në llogarinë e saj në Instagram duke i mbajtur barkun. Ajo shtoi: “Këtë ‘lumturi’ donim ta mbanim private edhe për pak, kjo ishte e drejta jonë”. “Shkurt, jemi të lumtur dhe mirë”, theksoi mes të tjerash ylli i famshëm turk. Ajo e ka etiketuar bashkëshortin në postim dhe nuk u ka lënë hapësirë ndjekësve që të komentojnë. Dogulu në anën tjetër nuk ka bërë asnjë deklaratë në lidhje me këtë lajm të lumtur për ta. Nihan për publikun shqiptar njihet për paraqitjen e saj në serialin “Kara Sevda” përkrah Burak Ozcivit.